Сумын ГХУСАЗЗ-өөс аймгийн Эрүүл мэндийн газар, Онцгой байдлын газартай хамтран “Ахуйн осол ба хүүхэд хамгаалал” сэдвээр Баянхонгор сумын 0-5 насны хүүхэдтэй 80 өрхийг хамруулсан сургалтыг амжилттай зохион байгууллаа. Тус сургалтаар өрхүүдийн дунд халуун тогоо, ус буцалгагчийг хүүхдэд аюулгүй байхаар хамгаалалттай болгох 14 хоногийн хугацаатай болзолт уралдааныг зарлаж дүгнэн эхний 3 байранд орсон өрхийг мөнгөн шагналаар шагнаж урамшууллаа. Тус уралдааны 1-р байрыг Т.Жаргалсайханы гэр бүл, 2-р байрт 6 дугаар багийн иргэн Т.Мөнхоргилын гэр бүл, 3-р байрт 7 дугаар багийн иргэн Н.Дэлгэрцэцэгийн гэр бүл тус тус эзэлж 1 дүгээр байр эзэлсэн гэр бүл 160,000 төгрөг, 2 дугаар байр эзэлсэн гэр бүл 130,000 төгрөг, 3 дугаар байр эзэлсэн гэр бүл 75,000 төгрөгийн мөнгөн шагнал, өргөмжлөлийн хамт гардаж авлаа.