Баянхонгор сумын ИТХ-ын долоо дахь удаагийн сонгуулийн ээлжит бус 6 дугаар хуралдаан 2017 оны 12 дугаар сарын 04-ний өдрийн 10 цагт Баянхонгор сумын ЗДТГ-ын хурлын танхимд боллоо. Хуралд ирвэл зохих 31 төлөөлөгчөөс 25 төлөөлөгч ирж 80.6 хувийн ирцтэй байв. Тус хуралдаанаар 1. Сумын 2017 оны төсөвт тодотгол хийх тухай
2. Засаг захиргааны нэгжийг өөрчлөх тухай гэсэн 2 асуудлыг хэлэлцэн баталсан юм. Засаг захиргааны нэгжийг өөрчлөх тухай асуудал дээр Баянхонгор сумын Номгон 1 дүгээр багийг 2 хувааж 10 дугаар багийг шинээр байгуулах тухай асуудлыг дэмжин аймгийн ИТХ-д уламжилхаар боллоо. Хуралдааны үеэр ИТХ-ын төлөөлөгч МАН-ын бүлгийн дарга Ч.Гомбодорж, ИТХ-ын төлөөлөгч АН-ын бүлгийн дарга Б.Гантулга нарыг "Нутгийн удирдлагын тэргүүний ажилтан" цол тэмдгээр шагнаж урамшууллаа.
