Хөдөлмөр эрхэлж байгаа хүүхдүүд хөдөлмөрийн мөлжлөгт өртөх, үйлдвэрийн осолд орон, хөдөлмөрийн чадвараа алдах явдал өссөөр байна. Эдгээр хүүхдүүд уул уурхай, барилгын салбараас эхлээд хөдөө аж ахуйн буюу хамгийн хүнд хүчир гэсэн тодотголтой бүхий л салбаруудад ажиллаж байна. Иймд эдгээр хүүхдүүдэд хөдөлмөрийн мөлжлөг болон үйлдвэрлэлийн осолд өртөхөөс сэргийлэх талаар мэдлэг олгох мөн ирээдүйгээ төлөвлөж, сурч хөгжих эрэмлзлэлийг бий болгох зайшлгүй шаардлагатай байна.
Хөдөлмөр халамжийн үйлчилгээний газраас хөдөлмөр эрхлэж байгаа хүүхдүүд болон хүнд хөдөлмөр эрхлэх магдлалтай хүүхдүүдийн ирээдүйд итгэх итгэлийг нэмэгдүүлэх, урам зориг өгөх, амьдралын зорилгоо тодорхойлоход нь туслах зорилготой сургалт, “Мэргэжил бүхэн сайхан” мэргэжилтэй танилцах аялалыг зохион байгууллаа.
Сургалтад хурдан морь унаач, зах дээр худалдаа хийдэг, мал малладаг, айлын хүүхэд хардаг, гар дээрээс худалдаа хийдэг хүүхдүүдээс гадна сургуулиудын албан бус боловсролын ангид суралцдаг, сургууль завсардсан хүүхдүүд хамрагдлаа. Эдгээр нь цаашид сурах боломж маш бага шууд хөдөлмөрийн зах зээлд гарч хөдөлмөр эрхлэх магадлалтай хүүхдүүд юм.
Сургалтаар өөрийн нөөц бололцоогоо хэрхэн вэ, Амжилт ба амжилтад хүрсэн хүмүүсийн үлгэр дуурайлал сэдвээр нийгэмд байр суурь эзэлж, амжилттай яваа хүмүүсийн ярилцлага, Өөртөө итгэх итгэлийг нь хөгжүүлэх мөн өөртөө итгэх итгэлийг шалгах дасгал ба сорил ажиллуулж, амьдаралын зорилгоо хэрхэн тодорхойлж болох түүндээ яаж хүрэх аргачлал зэрэг хичээлүүд орж багаар ажиллуулж, ярилцлага зохион байгуулах байдлаар сургалтыг зохион байгууллаа.
“Мэргэжил бүхэн сайхан” мэргэжилтэй танилцах аялалаар салбар бүрийн төлөөлөл Баянхонгор сумын ЗДТГ, Талх нарийн боов үйлдвэрлэгч Сүлдэн тэнгэр хоршоо, Онцгой байдлын газар зэрэг байгууллагуудын сонгон авч ажлын байруудтай танилцах, мэргэжилтэн болон удирдлагуудтай ярилцлага зохион байгуулж, зарим газарт мэргэжлийн онцлогоо харуулсан үзүүлэх сургууль хийлээ.
Мэргэжилтэй танилцах аялалын үеэр Баянхонгор сумын ЗДТГ-ын дарга н.Насанбаяр, Сүлдэн тэнгэр хоршооны дарга н.Батдэлгэр нар хүүхдүүдийг хүлээн авч зорилготой амьдрал амжилтын баталгаа гэсэн сэдвүүдээр харилцан ярилцаж, өөрсдийн ирээдүйн болон хүсэл мөрөөдлийнхөө талаар хуваалцсан юм.
Баянхонгор аймгийн Баянхонгор сумын ИТХ
Баянхонгор аймгийн Баянхонгор сумын ИТХ
АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүй АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүй"МЭРГЭЖИЛ БҮХЭН САЙХАН" АЯЛАЛ ЗОХИОН БАЙГУУЛАГДЛАА.
2017-12-07
