Баянхонгор сумын гэр хорооллын оршин суугчид хүссэн цагтаа цэвэр усаа худалдан авах боломжтой боллоо.
Баянхонгор сумын хоёрдугаар багт байрлах УТБ-6, гуравдугаар багт байрлах УТБ-5, зургадугаар багт байрлах УТБ-3, долдугаар багт байрлах УТБ-8, есдүгээр багт байрлах УТБ-10 тус тус ухаалаг усан сангийн системд шилжиж байгаа аж. Өнөөдөр тус худгуудад цахим машинаа байрлуулж дууссанаар ухаалаг системд бүрэн шилжинэ.
Ухаалаг усан сангийн системийг хэрэглэхийн тулд иргэд цахим картаа "Чандмань-Баянхонгор" ХК-ийн оффисоос эхний удаад үнэ төлбөргүй авах боломжтой юм байна. Харин иргэд 2000 төгрөгөөс дээш үнийн дүнгээр цэнэглэлт хийх шаардлагатай гэнэ.
Усны үнийн хувьд өөрчлөгдөхгүй бөгөөд нэг литр усыг гурван төгрөгөөр борлуулна.
Баянхонгор аймгийн Баянхонгор сумын ИТХ
Баянхонгор аймгийн Баянхонгор сумын ИТХ
АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүй АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүйТАВАН ХУДАГ УХААЛАГ СИСТЕМД ШИЛЖЛЭЭ.
2017-12-07
