ОБЕГ-ын Гамшгаас урьчилан сэргийлэх газраас "Гал түймрийн аюулаас урьдчилан сэргийлэх арга хэмжээг эрчимжүүлэх" ажлыг хэрэгжүүлж буй. Тус ажлын хүрээнд аймгийн Онцгой байдлын газраас Баянхонгор аймгийн баг тус бүрт гал түймрийн аюулаас урьдчилан сэргийлэх сургалтыг хийж, ард иргэдэд сэрэмжлүүлгийг хүргэж байна.
Сургалтын үйл ажиллагааг илүү сонирхолтой, хүртээмжтэй байдлаар хүргэх үүднээс аймгийн ОБГ-аас өөрсдийн хүч хөрөнгөөр барьж байгуулсан биеийн тамирын зааландаа Баянхонгор сумын Гэгээн шавь 6 дугаар баг, тус багаас сонгогдсон ИТХ-ын төлөөлөгчидтэй хамтран сургалт зохион явуулжээ. Тодруулбал, тус багийн иргэдийн дунд гар бөмбөгийн тэмцээн явуулж, тэмцээний дундуур Галын аюулгүй байдлын тухай хууль, Гал түймрийн аюулаас урьдчилан сэргийлэх, Гал түймрийн шалгаан нөхцөл түүнийг бууруулахад олон нийтийн оролцоо сэдвээр тус арга хэмжээнд оролцсон болон тэмцээнийг үзэж сонирхсон 100 гаруй хүнд сургалт хийсэн байна.
Гал түймэр унтраах, Аврах 16 дугаар ангийн дөрөвдүгээр салааныхан олон нийтийн оролцоонд тулгуурлан тус сургалтыг зохион явуулсан байна.
Баянхонгор аймгийн Баянхонгор сумын ИТХ
Баянхонгор аймгийн Баянхонгор сумын ИТХ
АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүй АЛБАН ЁСНЫ ЦАХИМ ХУУДАС - Орон нутгийн хүчгүйгээр улс орны хөгжлийг төсөөлөх аргагүйГАЛ ТҮЙМРИЙН АЮУЛААС УРЬДЧИЛАН СЭРГИЙЛЭХ МЭДЛЭГ ОЛГОЛОО.
2017-12-07
