Баянхонгор сумын “Гэмт хэргээс урьдчилан сэргийлэх ажлыг зохицуулах зөвлөл” /ГХУСАЗЗ/-өөс хийж хэрэгжүүлж буй ажлуудын нэг болох иргэдэд гэмт хэргийн хор хохирол, тэдгээрээс урьдчилан сэргийлэх, түүний ач холбогдлын талаар таниулах, нийгмийн харилцаанд хэрхэн зөв оролцох зэрэг мэдлэг олгох зорилготойгоор Улаанбаатар хотоос Лектор Ч.Эрдэмцэцэгийг урьж 2014 оны 04 дүгээр сарын 20-оос 05 дугаар сарын 25-ны хугацаанд Баянхонгор сум дахь төрийн байгууллагын ажилчид албан хаагчид болон, хүүхэд залуучууд, ард иргэдэд “Зөв үг зөв бодол амжилтын үндэс” сэдэвт лекц, сургалтыг зохион явууллаа. Тус сургалтанд Дуурсах 3-р багийн нийт 34 иргэн, Номундалай ахлах сургуулийн сурагчид болон эцэг эхийн төлөөлөл болох 421 иргэн, Эрдэм ахлах сургуулийн сурагчид болон сурагчдын эцэг эхийн төлөөлөл 105 иргэн, Нэгдсэн эмнэлэгийн ажилтан албан хаагч нар болох 218 иргэн, нийт 778 иргэн хамрагдаж сургалт үр дүнтэй болсон.  “Зөв үг зөв бодол амжилтын үндэс” сэдэвт лекц, сургалтыг 2014 оны 9,10 дугаар саруудад дахин зохион байгуулахаар төлөвлөн ажиллаж байна.