Баянхонгор сумын Иргэдийн Төлөөлөгчдийн Хурлын дарга Б.Соронзонбаатар Ерөнхий боловсролын сургуулийн ахлах ангийн сурагчдад “Хэрхэн үр бүтээлтэй сурах вэ?” сэдвээр цуврал лекц, сургалтыг хийж сургалтын дараа сурагчидтай хотын соёлтой иргэн болж төлөвших, хотын соёлыг бий болгох талаар чөлөөт ярилцлага хийлээ. Энэхүү сургалт, лекцтэй холбогдуулан хот суурин газар амьдрах соёлыг төлөвшүүлэх, бусдад төвөг саад болохгүй амьдрах зан үйлийг түгээх зорилготойгоор ЕБС-ийн ахлах ангийн сурагчдын дунд “Хотын соёлд миний оролцоо” сэдэвт 530,000 төгрөгийн шагналын сан бүхий ЭССЭ бичлэгийн уралдааныг зарлан 2018 оны 01 дүгээр сарын 16-нд шалгаруулж дүгнэхээр ажиллаж байна. Тус уралдаанд ирүүлсэн бүтээлүүдийг ном болгон хэвлүүлж нийтийн хүртээл болгох юм. Цаашид зөвхөн сурагчдад бус хүрээгээ тэлэн Төрийн албан хаагчдын болон иргэдийн харилцаа хандлагад бага ч гэсэн өөрчлөлт оруулах үүднээс иргэдийг соён гэгээрүүлсэн лекц, яриа сургалтыг тогтмолжуулах тал дээр ИТХ-ын Төлөөлөгч нартайгаа хамтран ажиллахаар төлөвлөөд байна.