Баянхонгор аймгийн Баянхонгор сумын “Эрдэм” ахлах сургуулийн 2-р ангийн сурагч  Н.Энхбилэг өнгөрсөн 2013 оны аравдугаар сарын 08-нд сургууль дээрээ сахуу, татрангаас урьдчилан сэргийлэх вакцин хийлгэсний улмаас биеийн байдал нь муудсан талаар бид өмнө нь мэдээлж байсан. Н.Энхбилэг охин эмчилгээ хийлгэх явцдаа гарын хоёр хуруугаа тайруулан Монголд эмчлүүлэх боломжгүй болж БНСУ-ыг зорьсон билээ. Тус улсад хийгдсэн түүний эмчилгээ үр дүнтэй болж бүрэн эдгэрсэн талаарх мэдээллийг Н.Идэрмөнхийн FaceBook хуудсанд тавигдсанаар хүргэж байна.

/ Уйлаад ирсэн хоёр маань аз жаргалтайгаар инээгээд буцлаа. Монгол хүний сайхан сэтгэл гэдэг ийм хүчтэй байдгийг бид бүхэн сэтгэл зүрхээрээ мэдэрлээ. Энхбилэг охин маань бүрэн эдгэрээд өнгөрсөн 18-ны өдөр эмнэлгээс гарсан бөгөөд яг одоо эх орон руугаа буцаж байна. Түүнийг санасан аав, элгэн садан ах дүүс, нийт монголчуудын маань сэтгэл одоо тайвширна биз ээ.Сайхан сэтгэлээр тусласан н.Аюур, н.Цэвэлмаа, н.Алимаа, н.Маая,          н.Уран-Эрдэнэ болон алс холын Америк орноос найз нөхөд ах дүүсийн хамт тусламжийн гараа сунгасан Б. Эрдэнэтуяа эгч, мөн Нутгийн ард иргэд бүхий л туслаж дэмжсэн хүмүүстээ баярласан сэтгэлийн үг илгээж өгөхийг хүссэн н.Оюун-Эрдэнэ эгчийн чин сэтгэлийн 'БАЯРЛАЛАА' гэдэг үгийг уламжилъя. 

Сайн үйлс бүхэн дэлгэрэх болтугай / гэжээ.