Баянхонгор аймгийн Нийтийн номын сан хүүхэд, залуус, олон нийтэд ном унших соёлыг сурталчлах, номын санчдын мэргэжил, мэдлэгийг дээшлүүлэх чиглэлээр санаачилгатай ажиллаж байна.
Оны эхний 2 сард ахлах ангийн сурагчдын дунд монгол уламжлалт ёс заншил, зан үйл, үндэсний соёлыг сурталчлах зорилгоор “Цагаан сарын бэлгэдэл”, “Ном унших соёл” зэрэг сургалтыг явууллаа.
Сургалтанд аймгийн төвийн 5-н сургуулийн 50 гаруй хүүхэд хамрагдсан байна.Мөн “Монгол соёл-Монгол заншил” асуулт хариултын “АХА” тэмцээн зохион байгуулж, тэргүүн байрт “Эрдэм” ахлах сургуулийн 10А ангийн сурагч Азжаргал, дэд байрт “Соого Сейкео” сургуулийн 9Б ангийн сурагч Мөнхжин шалгарлаа.
Номын сангийн дэргэдэх “Хонгорын хүү” шатрын дугуйлангийн сурагчид аймгийн аварга шалгаруулах “Цодгор хүү” шатрын тэмцээнд амжилттай оролцож, 2-р байрт шалгарч өргөмжлөл, мөнгөн медалиар шагнагдлаа.
