“Өрхийн хөгжлийг дэмжих үндэсний хөтөлбөр”-ийн нээлтийн үйл ажиллагааг 2015 оны 03 дугаар сарын 17-ны өдөр  Баянхонгор сумын ЗДТГ-ын Хурлын зааланд 175 өрхийн 200 гаруй гишүүдийг хамруулан зохион байгууллаа. Тус хөтөлбөрт Баянхонгор сумаас 176 өрх хамрагдаж байгаа бөгөөд арга хэмжээнд Аймгийн Засаг даргын Тамгын Газрын Нийгмийн хөгжлийн хэлтэс, Нийгмийн Халамж Үйлчилгээний хэлтэс,Баянхонгор сумын ИТХ, ЗДТГазрын удирдлага, мэргэжилтнүүд, нийгмийн түншлэлийн багийн гишүүд хүрэлцэн ирж үзэл бодлоо илэрхийлэн мэндчилгээ дэвшүүллээ.

 Аймгийн Хөгжимт драмын театрын дуучид, "Эрдэнэмандал" ахлах сургуулийн авъяаслаг сурагчид ая дуугаа өргөн барьлаа.

2014 оны хөгжлийн төлөөх өрхүүдээс 2015 онд бүтээгч өрхөд шилжин орсон өрхүүдээ төлөөлж 5-р багийн иргэн Т.Бат – Эрдэний гэр бүл гэр бүлдээ гарсан өөрчлөлт, амжилтуудын тухай танилцууллаа.