Баянхонгор сумын ИТХ-ыг сонгох 7 дахь удаагийн сонгуулийн анхдугаар хуралдаан 2016 оны 11 дүгээр сарын 02-ны өдөр хуралдаж Төлөөлөгчийн бүрэн эрхийг зөшөөрөх тухай, Сумын ИТХ-ын хуралдааны байнгын дэгийг батлах тухай, Сумын ИТХ-ын даргад нэр дэвшүүлэн сонгон батлах тухай, Сумын ИТХ-ын Тэргүүлэгчдэд нэр дэвшүүлэн сонгон батлах тухай, Сумын Засаг дарга бөгөөд хотын захирагчид нэр дэвшүүлэн аймгийн Засаг даргад уламжлах тухай асуудлуудыг тус тус хэлэлцэн баталлаа. Баянхонгор сумын ИТХ-д МАН 24 суудал, АН 7 суудал авч олонхи болсон намаас сумын ИТХ-ын дарга, Засаг дарга нарт нэр дэвшүүлэн ИТХ-ын даргаар Мижиддоржийн Батбаяр сонгогдон, Засаг даргаар сумын МАН-ын дарга Жадамбаагийн Мөнхсоёлыг томилуулахаар аймгийн засаг даргад уламжлаад байна.