Баянхонгор сумын Цагаанчулуут 5 дугаар багийн ИНХ-ын хуралдаан 2016 оны 11 дүгээр сарын 28-ны 12 цагт аймгийн Хүүхдийн Тэмүжин театрт боллоо. Хуралдаанаар: 1. Багийн ИНХ-ын Тэргүүлэгчдийг сонгон батлах тухай
2. Багийн Засаг даргад нэр дэвшүүлэн сонгон батлах тухай гэсэн 2 асуудлыг хэлэлцлээ.
Цагаанчулуут 5 дугаар багийн ИНХ-ын Тэргүүлэгчдээр Жамбалын Дулмаа, Самбуугийн Лхагвасүрэн, Дашзэвэгийн Цэвэлсодном, Үрчгэрийн Энх-Амгалан, Балжиннямын Энэсүрэн нар иргэдийн итгэлийг хүлээн сонгогдож багийн ИНХ-ын даргаар Самбуугийн Лхагвасүрэнг сонгон баталлаа. Багийн Засаг даргад Ө.Төгсгэрэл, Д.Ууганцэцэг нар нэр дэвшсэнээс санал хураалтын дүнгээр олонхийн буюу 71,8 хувийн саналаар Дэмбэрэлийн Ууганцэцэг багийн Засаг даргаар ирэх 4 жил ажиллахаар боллоо.
